Kingê ku mêvanek min were û li kîtapxaneya min binêre, kitabê nivîskar û lêkolînerê hêja Mehmet Bayrak bala wan dikişîne.
Refek ji kitapxana min tenê ji kîtabên Mehmet Bayrak pêk tê.
Her kîtabek wî jî ji 500 rupelî kêmtir nînin û hemu jî bi formên mezin hatine çapkirinê.
Ji ber vê yekê ye ku kî wan kitabên Mehme Bayrak dibîne, hevik xwe şunda didin û dipirsin:
- Tu van kîtabên Mehmet Bayrak çawa dixwînî?
- Ev qalindîya kîtabên wî çavê te natirsînin?, hwd.
Bi rastî ew ji van pirsên xwe neheq jî nînin. Mezinbun û qalindbuna kîtabên Bayrak bi rastî jî çavên mirovan ditirsînin, lê belê dema ku mirov dest bi wan dike, mirov xwe di nav dîrokê da dibîne û winda dibe…
Serrastkirina rê jî hata dawîyê bi xwendina kitabê ve mimkun e..
Ji wan kîtabên wî yek jî, kîtaba wî ya nu ye û bi navê „Osmanli’da Kürt Kadiinii – Jinên Kurd Di Serdema Osmanî de“ ye û bi Tirkî û Kurdî hatîye çapkirinê.
Kîtap ji 240 rupelan pêk tê û her rupelek wî da resmek yan jî gravurek cîh digre. Piranîya resm û gravur ji çavkanîyên bîyanî hatine girtin û her resm û gravurek bi serê xwe tenê di derheqa jinên Kurd da informasyonên bêhempa didin…
Kitap ji şeş beşan pêk tê.
Ew jî: „Bi Gravur, Wêne û Kartpostalan Jina Kurd“
„Ji Duh Hatta Îro Jina Kurd.“
„Ji hêja Meraşê Amazoneke Kurd Fatareş.“
„Bi Gravuran Jinên Kurd“
„Di Wêneyên Osmanî û Rojava de Jinên Kurd“
„Di Kartpostalên Osmanî de Jina Kurd“ in.
Di dawîya kîtabê da jî Çavkanîyeke Hilbijartî Li Ser Gravur, Wêne û Kartpostalên Kurdên Osmanî cîh digre…
Mehmet Bayrak di pêeşgotina kîtabê da dibê; „… Bingeha vê xebatê li ser `Di serdema Osmanîyan de Jinên Kurd`hat danînê, pê re jî me cîh da hin afirandinên balkêş yên wênekêş, lêkolîner û gerrokên rojavayî. Divê em car din bêjin, ew dîyardeya `jinên rojhilatî`ku ji alîyê ronakbîrên rojhilatî ve qet nehatîye bahskirin, pêşekî rojavayîyan anîye rojevê.“
Ez naxwazim bi dur û dirêj pesnê kîtabê bidim. Bi rastî ew bi kurtenivîsek jî ne mimkun e. Lê ez dikarim tiştek din bêjîm. Mehmet Bayrak di destpêka kîtabê da dibê, „Ez vê berhemê ji bo pêşnîyara nivîsandina vê pirtukê dîyarî xanima xwe Gulay û hemû jinên kurd dikim.“
Ez jî xwendina vê kîtabê pêşnîyarî hem û jin û mêrên kurd dikim…
Ji bo destxistina kîtabê:
Weşanên ÖzGe
www.özgeyayinlari.com
info@özgeyayinlari.com
